ماني مخاصمهـا علشـان بوسـه
بكره تروق وتشتهى منـى البـوس
رقيقة احساس وزعـول وعبوسـه
وتسيح من نظره بها حب ملمـوس
همسه تذوب وترتخى لى عروسـه
كن الحيا بخديدهـا ورد ممسـوس
تقـول لبيـه وتصيـر معفـوسـه
تنسا متى كان الزعل والهوا كـوس
يثيرنى"كوكو شانيـل" فـى لبوسـه
عطرن شذاها منه او فيه مغمـوس
سكران خلانى ومحيـوس حوسـه
فديت مالا مست بيدى وانا احوس؟!
الين من القرطـاس وانعـم لموسـه
ماعمرها حفّت ولا جـرّت المـوس
الا علـى قلبـى وياحـد مـوسـه
ان قالت اصبر ياولد حولى حروس؟!
تخفى مفاتنها وهـى فـى خروسـه
محاجرن كم تذبح قلـوب ونفـوس
ياعنك ماشالـت همـوم العنوسـه
كم راس خاطبها بنامـوس وفلـوس
ومــدلله ومدلـعـه ومحـروسـه
فى بيت ابوها والذهب دوم محروس
والحب مـادق بحشاهـا هجوسـه
الا معى واهدتنى اقمـار وشمـوس
مانى مخاصمهـا علشـان بوسـه
لما تروق بتشتهـى منـى البـوس!
/فالح الدهمان